- Latest available (Revised) - English
- Latest available (Revised) - Welsh
- Original (As made) - English
- Original (As made) - Welsh
This is the original version (as it was originally made). Dim ond ar ei ffurf wreiddiol y mae’r eitem hon o ddeddfwriaeth ar gael ar hyn o bryd.
Offerynnau Statudol Cymru
Cartrefi Symudol, Cymru
Gwnaed
28 Medi 2016
Gosodwyd gerbron Cynulliad Cenedlaethol Cymru
30 Medi 2016
Yn dod i rym
31 Hydref 2016
Mae Gweinidogion Cymru yn gwneud y Gorchymyn a ganlyn drwy arfer y pŵer a roddir iddynt gan adran 58(3)(a) o Ddeddf Cartrefi Symudol (Cymru) 2013(1).
1.—(1) Enw’r Gorchymyn hwn yw Gorchymyn Deddf Cartrefi Symudol (Cymru) 2013 (Darpariaethau Canlyniadol) 2016.
(2) Daw’r Gorchymyn hwn i rym ar 31 Hydref 2016.
2.—(1) Mae Atodlen 1 i Reoliadau Awdurdodau Lleol (Trefniadau Gweithrediaeth) (Swyddogaethau a Chyfrifoldebau) (Cymru) 2007(2) wedi ei diwygio fel a ganlyn.
(2) Ym mharagraff 1 o Ran B (swyddogaethau trwyddedu a chofrestru (i’r graddau nad oes unrhyw baragraff arall yn yr Atodlen hon yn ymdrin â hwy))—
(a)yng ngholofn (1) y Tabl ar ôl “Y pŵer i ddyroddi trwyddedau sy’’n awdurdodi defnyddio tir fel safle carafannau”, mewnosoder “neu safle cartrefi symudol”; a
(b)yng ngholofn (2) y Tabl, ar ôl “Adran 3(3) o Ddeddf Safleoedd Carafannau a Rheoli Datblygu 1960 (p.62)" mewnosoder “ac adran 7(1) o Ddeddf Cartrefi Symudol (Cymru) 2013 (dccc 6)”.
3.—(1) Mae Rheoliadau Taliadau Sŵn Priffyrdd (Cartrefi Symudol) (Cymru) 2001(3) wedi eu diwygio fel a ganlyn.
(2) Yn rheoliad 2 (dehongli), yn y diffiniad o “cartref symudol”—
(a)hepgorer paragraff (a);
(b)ar ddiwedd paragraff (b) yn lle “;” rhodder “, neu”; ac
(c)ar ôl paragraff (b) mewnosoder—
“(c)cartref symudol o fewn ystyr adran 60 o Ddeddf Cartrefi Symudol (Cymru) 2013;”.
(3) Yn rheoliad 7(1)(a) (cartrefi cymwys)—
(a)yn lle “carafán, wedi’i lleoli’n” rhodder “cartref symudol, wedi’i leoli’n”; a
(b)yn lle “adran 1(2) o Ddeddf Safleoedd Carafanau 1968” rhodder “adran 2(2) o Ddeddf Cartrefi Symudol (Cymru) 2013”.
4. Yn Rhan 5 o Atodlen 2 i Orchymyn Cynllunio Gwlad a Thref (Datblygu Cyffredinol a Ganiateir) 1995(4), o dan Ddosbarth B (datblygu a ganiateir) ar ôl “the 1960 Act” mewnosoder “and the Mobile Homes (Wales) Act 2013”.
Carl Sargeant
Ysgrifennydd y Cabinet dros Gymunedau a Phlant, un o Weinidogion Cymru
28 Medi 2016
(Nid yw’r nodyn hwn yn rhan o’r Gorchymyn)
Mae’r Gorchymyn hwn yn gwneud diwygiadau canlyniadol mewn perthynas â Deddf Cartrefi Symudol (Cymru) 2013 (“Deddf 2013”) a daw i rym ar 31 Hydref 2016.
Mae erthygl 2 yn mewnosod cyfeiriadau at safle cartrefi symudol ac at Ddeddf 2013 yn Rhan B y Tabl yn Atodlen 1 i Reoliadau Awdurdodau Lleol (Trefniadau Gweithrediaeth) (Swyddogaethau a Chyfrifoldebau) (Cymru) 2007.
Mae erthygl 3 yn gwneud newidiadau i reoliadau 2 a 7(1)(a) o Reoliadau Taliadau Sŵn Priffyrdd (Cartrefi Symudol) (Cymru) 2001.
Mae erthygl 4 yn mewnosod cyfeiriad at Ddeddf 2013 yn Rhan 5 o Atodlen 2 i Orchymyn Cynllunio Gwlad a Thref (Datblygu Cyffredinol a Ganiateir) 1995.
Ystyriwyd Cod Ymarfer Gweinidogion Cymru ar gynnal Asesiadau Effaith Rheoleiddiol mewn perthynas â’r Gorchymyn hwn. O ganlyniad, ystyriwyd nad oedd yn angenrheidiol cynnal asesiad effaith rheoleiddiol o’r costau a’r manteision sy’n debygol o ddeillio o gydymffurfio â’r Gorchymyn hwn.
Latest Available (revised):The latest available updated version of the legislation incorporating changes made by subsequent legislation and applied by our editorial team. Changes we have not yet applied to the text, can be found in the ‘Changes to Legislation’ area. The revised version is currently only available in English.
Original (As Enacted or Made) - English: The original English language version of the legislation as it stood when it was enacted or made. No changes have been applied to the text.
Original (As Enacted or Made) - Welsh:The original Welsh language version of the legislation as it stood when it was enacted or made. No changes have been applied to the text.
Access essential accompanying documents and information for this legislation item from this tab. Dependent on the legislation item being viewed this may include:
Use this menu to access essential accompanying documents and information for this legislation item. Dependent on the legislation item being viewed this may include:
Click 'View More' or select 'More Resources' tab for additional information including: