Rheoliadau Addysg (Cyflenwi Gwybodaeth am y Gweithlu Ysgolion) (Cymru) 2017

8.   Mewn perthynas â’r addysgu a gyflawnir gan y person (“P”)—

(a) y meysydd dysgu neu’r pynciau a addysgir gan P;

(b) a yw P yn addysgu’r cyfnod sylfaen;

(c) a yw P yn addysgu’r cyfnodau allweddol ac os felly, pa gyfnodau allweddol;

(d) a yw P yn addysgu meysydd dysgu neu bynciau drwy gyfrwng y Gymraeg ac eithrio maes dysgu datblygu’r Gymraeg neu’r Gymraeg fel pwnc;

(e) blwyddyn ysgol y cwricwlwm cenedlaethol a addysgir gan P;

(f) yr enw a roddir i’r dosbarth ysgol gynradd gan y pennaeth at ddiben nodi’r dosbarth hwnnw ac sy’n cael ei gynnwys yn y cyfrifiad CYBLD a pha ddosbarth a addysgir gan P; ac

(g) faint o ddysgu y mae P wedi ei ddarparu neu y disgwylir iddo ei ddarparu yn yr ystafell ddosbarth yn ystod y cyfnod o 7 niwrnod sy’n dechrau ar y dydd Llun yn union cyn dyddiad y cyfrifiad.