Gorchymyn Railtrack plc (Gwerth Ardrethol) (Cymru) 2000

Offerynnau Statudol Cymru

2000 Rhif 555 (Cy.22)

ARDRETHU A PHRISIO, CYMRU

Gorchymyn Railtrack plc (Gwerth Ardrethol) (Cymru) 2000

Wedi'i wneud

29 Chwefror 2000

Yn dod i rym

1 Ebrill 2000

Mae Cynulliad Cenedlaethol Cymru yn gwneud y Gorchymyn canlynol drwy arfer y pwerau a roddwyd i'r Ysgrifennydd Gwladol gan adrannau 143(1) a (2) o Ddeddf Cyllid Llywodraeth Leol 1988(1) a pharagraff 3(2) o Atodlen 6 iddi ac a freiniwyd ynddo bellach, i'r graddau y maent yn arferadwy yng Nghymru(2).

Enwi, cychwyn a chymhwyso

1.—( 1)  Enw'r Gorchymyn hwn yw Gorchymyn Railtrack plc (Gwerth Ardrethol) (Cymru) 2000 a daw i rym ar 1 Ebrill 2000.

(2) Mae'r Gorchymyn hwn yn gymwys i Gymru'n unig.

Dehongli

2.   Yn y Gorchymyn hwn —

• ystyr “amcangyfrif o hyd y trac perthnasol” (“estimated relevant track length”) yw hyd y trac, wedi'i fynegi mewn cilometrau, yr amcangyfrifir y caiff ei gynnwys yn rheilffyrdd Railtrack;

• ystyr “blwyddyn” (“year”) yw blwyddyn ariannol daladwy;

• ystyr “blwyddyn berthnasol” (“relevant year”) yw unrhyw flwyddyn y mae gwerth ardrethol i'w benderfynu ar ei chyfer yn unol â'r Gorchymyn hwn;

• ystyr “blwyddyn flaenorol berthnasol” (“relevant preceding year”) yw'r flwyddyn sy'n dod cyn blwyddyn berthnasol;

• ystyr “y Ddeddf” (“the Act”) yw Deddf Cyllid Llywodraeth Leol 1988;

• ystyr “hereditament perthnasol” (“relevant hereditament”) yw'r hereditament a ddisgrifir yn Rhan 4 o Atodlen y Rheoliadau Rhestr Ganolog;

• ystyr “Railtrack” (“Railtrack”) yw Railtrack plc;

• ystyr “y Rheoliadau Rhestr Ganolog” (“the Central List Regulations”) yw Rheoliadau Rhestr Ardrethu Canolog (Cymru) 1999(3);

• ystyr “rhestr ganolog” (“central list”) yw rhestr ardrethu annomestig canolog Cymru a luniwyd ar 1 Ebrill 2000 neu ar ôl hynny; ac

• ystyr “trac” (“track”) yw'r ystyr a roddir i “track” gan adran 83 o Ddeddf Rheilffyrdd 1993(4).

Talgrynnu rhifau

3.   Pan (ar wahân i'r erthygl hon) fydd unrhyw werth ardrethol y penderfynir arno o dan y Gorchymyn hwn yn cynnwys ffracsiwn o bunt —

(a) rhaid talgrynnu'r ffracsiwn i un bunt, os bydd yn fwy na 50c, a

(b) rhaid anwybyddu'r ffracsiwn os bydd yn 50c neu'n llai.

Gwerthoedd ardrethol

4.   Yn achos yr hereditament perthnasol, ni fydd paragraffau 2 i 2C o Atodlen 6 i'r Ddeddf(5) yn gymwys mewn unrhyw flwyddyn y bydd y rhestr ganolog mewn grym ar ei chyfer, a gwerth ardrethol yr hereditament hwnnw mewn unrhyw flwyddyn felly fydd —

(a) yn y flwyddyn sy'n dechrau ar 1 Ebrill 2000, £6,240,000, a

(b) mewn unrhyw flwyddyn arall sy'n dechrau ar 1 Ebrill 2001 neu ar ôl hynny, y swm a geir drwy gymhwyso'r rheolau a ragnodir yn Erthygl 5.

Y ffactor ailgyfrifo

5.—( 1) Mewn unrhyw flwyddyn sy'n dechrau ar 1 Ebrill 2001, neu ar ôl hynny, gwerth ardrethol yr hereditament perthnasol fydd y swm a geir drwy adio £6,240,000 a'r ffactor ailgyfrifo a gyfrifir o dan yr Erthygl hon.

(2) Yn ddarostyngedig i baragraff (4), mae'r paragraff hwn yn gymwys at ddibenion cyfrifo'r ffactor ailgyfrifo pan yw'r swm ynglŷn â blwyddyn berthnasol a geir drwy gyfrifo ynglŷn â'r hereditament perthnasol yn unol â'r fformwla —

yn 0.05, −0.05 neu unrhyw rif sydd rhwng y rhifau hyn.

(3)  Y ffactor ailgyfrifo ynglŷn â blwyddyn berthnasol y mae paragraff (2) yn gymwys iddi yw 0.

(4) Ynglŷn â blwyddyn berthnasol —

(a) y mae'r swm a gyfrifir mewn perthynas â hi yn unol â pharagraff (2) yn fwy na 0.05 neu'n llai na −0.05, neu

(b) nad yw paragraff (2) yn gymwys mewn perthynas â hi mewn perthynas â'r flwyddyn flaenorol berthnasol,

y ffactor ailgyfrifo yw'r swm a geir drwy gyfrifo yn unol â'r fformwla —

Tk - KK

(5) At ddibenion yr erthygl hon —

• gwerth T yw £6,240,000;

• K yw'r amcangyfrif o hyd y trac perthnasol ar 31 Mawrth 2000;

• k yw'r amcangyfrif o hyd y trac perthnasol ar 31 Mawrth yn y flwyddyn flaenorol berthnasol.

Diddymiadau ac eithriadau

6.—( 1) Yn ddarostyngedig i baragraff (2), drwy hyn diddymir y canlynol gydag effaith o 1 Ebrill 2000 —

(a) Gorchymyn y Rheilffyrdd (Gwerthoedd Ardrethol) 1994(6);

(b) Gorchymyn y Rheilffyrdd (Gwerthoedd Ardrethol) (Diwygio) 1999(7).

(2) Bydd darpariaethau'r Gorchmynion a grybwyllir ym mharagraff (1) yn dal i gael effaith ar 1 Ebrill 2000 ac ar ôl hynny at y dibenion canlynol a'r dibenion sy'n gysylltiedig â hwy —

(a) unrhyw newid mewn rhestr ganolog a luniwyd cyn 1 Ebrill 2000, neu

(b) unrhyw ddarpariaeth a wneir gan reoliadau o dan adran 58(8) (darpariaeth arbennig ar gyfer 1995 ymlaen) o'r Ddeddf o ran y swm taladwy mewn perthynas â hereditament am gyfnod perthnasol cyn 1 Ebrill 2000 fel y'i diffinnir yn yr adran honno.

Llofnodwyd ar ran Cynulliad Cenedlaethol Cymru o dan adran 66(1) o Ddeddf Llywodraeth Cymru 1998(9)

D. Elis Thomas

Llywydd y Cynulliad Cenedlaethol

29 Chwefror 2000

Nodyn Esboniadol

(Nid yw'r nodyn hwn yn rhan o'r Gorchymyn)

O ran yr hereditamentau annomestig sydd i'w dangos ar y rhestr ardrethu canolog i Gymru, caiff Cynulliad Cenedlaethol Cymru, o dan baragraff 3(2) o Atodlen 6 i Ddeddf Cyllid Llywodraeth Leol 1988, ddarparu, drwy orchymyn, na ddylid eu prisio ar gyfer ardrethu annomestig ar y sail a nodir ym mharagraffau 2 i 2C o'r Atodlen honno (hynny yw, drwy gyfeirio at y rhent y byddai tenant tybiedig yn ei dalu am hereditament ar sail flynyddol), ond caiff ddarparu y bydd gwerthoedd ardrethol yr hereditamentau hynny fel y'u pennir yn y gorchymyn neu fel y penderfynir arnynt yn unol â rheolau rhagnodedig.

Mae erthygl 4 o'r Gorchymyn hwn yn rhagnodi gwerth ardrethol yr hereditament a gynhwysir, yn rhinwedd Rheoliadau Rhestr Ardrethu Canolog (Cymru) 1999, yn y rhestr ganolog mewn perthynas â Railtrack plc, ar gyfer y blynyddoedd ariannol sy'n dechrau ar 1 Ebrill 2000 neu ar ôl hynny.

Mae erthygl 5 yn darparu ar gyfer y ffactor y mae'n rhaid cyfeirio ato wrth addasu'r gwerth hwnnw er mwyn penderfynu'r gwerth ardrethol ar gyfer y blynyddoedd ariannol sy'n dechrau ar 1 Ebrill 2001 neu ar ôl hynny ynglŷn â'r hereditament yr ystyrir bod Railtrack plc yn ei feddiannu.

Mae erthygl 6 o'r Gorchymyn hwn yn diddymu, yn ddarostyngedig i rai eithriadau, gydag effaith o 1 Ebrill 2000 ymlaen, Orchymyn y Rheilffyrdd (Gwerthoedd Ardrethol) 1994, a oedd (fel y'i diwygiwyd) yn gymwys mewn perthynas â'r blynyddoedd sy'n dechrau ar 1 Ebrill 1995 neu ar ôl hynny.

(1)

1988 p.41. Gweler adran 146(6) am ddiffiniad o “prescribed”. Diwygiwyd adran 143(2) gan baragraff 72(2) o Atodlen 5 i Ddeddf Llywodraeth Leol a Thai 1989 (p.42). Diwygiwyd paragraff 3 o Atodlen 6 gan baragraff 38(12) a (13) o Atodlen 5 i Ddeddf 1989.

(2)

Gweler Gorchymyn Cynulliad Cenedlaethol Cymru (Trosglwyddo Swyddogaethau) 1999 (O.S. 1999/672).

(3)

O.S. 1999/3453.

(4)

1993 p.43.

(5)

Diwygiwyd paragraff 2 gan baragraffau 38(3) i (11) o Atodlen 5 i Ddeddf Llywodraeth Leol a Thai 1989, a mewnosodwyd paragraffau 2A a 2B ganddynt. Mewnosodwyd paragraff 2C gan adran 2 o Ddeddf Llywodraeth Leol ac Ardrethu 1997 (p.29).

(6)

O.S. 1994/3284.

(7)

O.S. 1999/1003.

(8)

Diwygiwyd adran 58 gan baragraff 68 o Atodlen 13 i Ddeddf Cyllid Llywodraeth Leol 1992 (p.14), adran 2 o Ddeddf Ardrethu Annomestig 1994 (p.3) ac adran 1 o Ddeddf Llywodraeth Leol ac Ardrethu 1997 (p.29).

(9)

1998 p.38.