Rheoliadau Porthiant (Cymru) 2001

Mathau o osodiad statudol

5.—( 1) Yn ddarostyngedig i'r darpariaethau ynghylch symiau bach o borthiant a gynhwysir yn ail baragraff Erthygl 16.6 o'r Gyfarwyddeb Ychwanegion (y mae'n rhaid cadw ati, lle bo'n gymwys), ac i Erthygl 5.2 o'r Gyfarwyddeb Porthiant Cyfansawdd a pharagraff (2) isod, bydd y gosodiad statudol —

(a) yn achos unrhyw ddeunydd rhagnodedig a gludir mewn pecyn neu gynhwysydd arall —

(i) yn label wedi'i gysylltu â'r pecyn neu'r cynhwysydd hwnnw; neu

(ii) wedi'i farcio'n eglur yn uniongyrchol arno, a

(b) yn achos unrhyw ddeunydd rhagnodedig a gludir mewn swmp, ar ffurf dogfen sy'n ymwneud â phob llwyth ac a anfonir ynghyd â phob llwyth.

(2) Yn achos unrhyw ddeunydd porthiant a werthir mewn swm sydd heb fod yn fwy na 10 kg, ac a gyflenwir yn uniongyrchol i'r defnyddiwr terfynol, gall y gosodiad statudol gael ei roi ar ffurf hysbysiad ysgrifenedig.

(3) Rhaid i'r manylion, yr wybodaeth a'r cyfarwyddiadau y mae'n ofynnol eu cynnwys neu y caniateir eu cynnwys yn y gosodiad statudol —

(a) bod ar wahân yn glir i unrhyw wybodaeth arall;

(b) bod yn Saesneg neu yn Gymraeg, yn ddarostyngedig i baragraffau (5) a (6) isod; ac

(c) bod yn ddarllenadwy ac yn annileadwy.

(4) At ddibenion adran 69 (marcio deunydd wedi'i baratoi i'w werthu), rhaid i ddeunydd rhagnodedig a gynhwysir mewn pecyn neu gynhwysydd arall gael ei labelu neu ei farcio yn y dull sydd wedi'i ragnodi mewn perthynas â deunydd o'r fath ym mharagraff (1) neu, os yw'n gymwys, (2), uchod, a rhaid i'r deunydd hwnnw mewn swmp gael ei farcio drwy arddangos dogfen sy'n ymwneud ag ef mor agos at y deunydd ag y bo'n ymarferol.

(5) Yn achos unrhyw borthiant cyfansawdd neu ddeunydd porthiant y bwriedir eu hallforio i Aelod-wladwriaeth, rhaid i'r gosodiad statudol fod mewn un neu fwy o ieithoedd swyddogol y Gymuned, yn ôl penderfyniad yr Aelod-wladwriaeth honno.

(6) Yn achos unrhyw borthiant, nad yw'n borthiant söotechnegol, y bwriedir ei allforio i un o Wladwriaethau Ardal Economaidd Ewrop nad yw'n Aelod-wladwriaeth, rhaid i'r gosodiad statudol gydymffurfio â gofynion Erthygl 18 o'r Gyfarwyddeb Ychwanegion fel pe bai'r Wladwriaeth Ardal Economaidd Ewrop yn Aelod-wladwriaeth.