Gorchymyn Deddf Cynllunio (Cymru) 2015 (Cychwyn Rhif 4 a Darpariaethau Trosiannol) 2017

Offerynnau Statudol Cymru

2017 Rhif 546 (Cy. 123) (C. 49)

Cynllunio Gwlad A Thref, Cymru

Gorchymyn Deddf Cynllunio (Cymru) 2015 (Cychwyn Rhif 4 a Darpariaethau Trosiannol) 2017

Gwnaed

5 Ebrill 2017

Mae Gweinidogion Cymru yn gwneud y Gorchymyn a ganlyn drwy arfer y pwerau a roddir iddynt gan adran 58 o Ddeddf Cynllunio (Cymru) 2015(1).

Enwi a dehongli

1.—( 1) Enw’r Gorchymyn hwn yw Gorchymyn Deddf Cynllunio (Cymru) 2015 (Cychwyn Rhif 4 a Darpariaethau Trosiannol) 2017.

(2) Yn y Gorchymyn hwn—

ystyr “Deddf 1990” (“the 1990 Act”) yw Deddf Cynllunio Gwlad a Thref 1990(2);

ystyr “Deddf 2015” (“the 2015 Act”) yw Deddf Cynllunio (Cymru) 2015.

Y ddarpariaeth sy’n dod i rym ar 10 Ebrill 2017

2.   Y diwrnod penodedig i adran 54 o Ddeddf 2015 ddod i rym, i’r graddau nad yw eisoes mewn grym, yw 10 Ebrill 2017.

Y darpariaethau sy’n dod i rym ar 5 Mai 2017

3.   Y diwrnod penodedig i’r darpariaethau a ganlyn o Ddeddf 2015 ddod i rym, i’r graddau nad ydynt eisoes mewn grym, yw 5 Mai 2017—

(a) adran 39;

(b) adrannau 47 a 48;

(c) adran 50;

(d) adran 51; ac

(e) paragraffau 15 i 19, 21, 23, 25 a 27 o Atodlen 5.

Darpariaethau trosiannol

4.—( 1) Mae paragraff (2) yn gymwys pan gaiff hysbysiad o apêl ei gyflwyno mewn perthynas â chais a wnaed cyn 5 Mai 2017 o dan—

(a) adrannau 78 a 195 o Ddeddf 1990;

(b) adran 20 o Ddeddf Cynllunio (Adeiladau Rhestredig ac Ardaloedd Cadwraeth) 1990(3) (“y Ddeddf Adeiladau Rhestredig”);

(c) adran 21 o Ddeddf Cynllunio (Sylweddau Peryglus) 1990(4) (“y Ddeddf Sylweddau Peryglus”).

(2) Mae Deddf 1990, y Ddeddf Adeiladau Rhestredig a’r Ddeddf Sylweddau Peryglus yn eu trefn yn gymwys i’r apêl berthnasol a’r cais y mae’r apêl honno yn berthnasol iddo fel pe na bai’r diwygiadau a wneir gan adran 47 o Ddeddf 2015 wedi eu gwneud.

5.   Pan fo apêl yn cael ei gwneud o dan adran 217 o Ddeddf 1990 yn erbyn hysbysiad o dan adran 215 o’r Ddeddf honno a gyflwynwyd cyn 5 Mai 2017, mae Deddf 1990 yn gymwys i’r apêl honno fel pe na bai’r diwygiadau a wneir gan adran 48 o Ddeddf 2015 wedi eu gwneud.

Jane Hutt

Un o Weinidogion Cymru

5 Ebrill 2017

NODYN ESBONIADOL

(Nid yw’r nodyn hwn yn rhan o’r Gorchymyn)

Y Gorchymyn hwn yw’r pedwerydd gorchymyn cychwyn a wneir gan Weinidogion Cymru o dan Ddeddf Cynllunio (Cymru) 2015 (“Deddf 2015”).

Mae erthygl 2 yn dwyn adran 54 (ceisiadau i ddiwygio cofrestrau: pŵer i wneud darpariaeth ynghylch ffioedd) o Ddeddf 2015 i rym, i’r graddau nad yw eisoes mewn grym, ar 10 Ebrill 2017.

Mae erthygl 3 yn dwyn y darpariaethau a ganlyn o Ddeddf 2015 i rym, i’r graddau nad ydynt eisoes mewn grym, ar 5 Mai 2017—

• adran 39 (arfer swyddogaethau awdurdod cynllunio lleol sy’n ymwneud â cheisiadau);

• adran 47 (dim amrywio ar gais ar ôl cyflwyno hysbysiad am apêl yn erbyn penderfyniad cynllunio);

• adran 48 (apelio yn erbyn hysbysiad mewn cysylltiad â thir sy’n cael effaith andwyol ar amwynder);

• adran 50 (y weithdrefn ar gyfer achosion penodol); ac

• adran 51 a pharagraffau 15 i 19, 21, 23, 25 a 27 o Atodlen 5 (costau a’r weithdrefn wrth apelio etc: diwygiadau pellach).

Mae erthyglau 4 a 5 yn cynnwys darpariaethau trosiannol.

NODYN AM Y GORCHMYNION CYCHWYN CYNHARACH

(Nid yw’r nodyn hwn yn rhan o’r Gorchymyn)

Mae’r darpariaethau a ganlyn o Ddeddf 2015 wedi eu dwyn i rym gan Orchmynion Cychwyn a wnaed cyn dyddiad y Gorchymyn hwn:

Y Ddarpariaeth	Y Dyddiad Cychwyn	Rhif O.S.
Adran 2	1 Ebrill 2016	O.S. 2015/1987 (Cy. 297) (C. 123)
Adran 3 (i’r graddau y mae’n rhoi adrannau newydd 60, 60A a 60B yn lle adran 60 o Ddeddf Cynllunio a Phrynu Gorfodol 2004)	4 Ionawr 2016	O.S. 2015/1987 (Cy. 297) (C. 123)
Adran 4 (i’r graddau nad yw eisoes mewn grym)	5 Hydref 2015	O.S. 2015/1736 (Cy. 237) (C. 106)
Adrannau 11 i 14 (i’r graddau nad ydynt eisoes mewn grym)	4 Ionawr 2016	O.S. 2015/1987 (Cy. 297) (C. 123)
Adran 15(1) a (2) (i’r graddau nad yw eisoes mewn grym)	16 Mawrth 2016	O.S. 2015/1987 (Cy. 297) (C. 123)
Adran 15(3)	1 Ebrill 2016	O.S. 2015/1987 (Cy. 297) (C. 123)
Adrannau 17 i 22 (i’r graddau nad ydynt eisoes mewn grym)	1 Mawrth 2016	O.S. 2016/52 (Cy. 22) (C. 4)
Adrannau 24 i 27 (i’r graddau y maent yn ymwneud â datblygiadau o arwyddocâd cenedlaethol a chydsyniadau eilaidd)	1 Mawrth 2016	O.S. 2016/52 (Cy. 22) (C. 4)
Adrannau 28 i 30 (i’r graddau nad ydynt eisoes mewn grym)	16 Mawrth 2016	O.S. 2016/52 (Cy. 22) (C. 4)
Adran 31 (i’r graddau nad yw eisoes mewn grym)	4 Ionawr 2016	O.S. 2015/1987 (Cy. 297) (C. 123)
Adran 32 (i’r graddau nad yw eisoes mewn grym)	16 Mawrth 2016	O.S. 2016/52 (Cy. 22) (C. 4)
Adrannau 33 a 34 (i’r graddau y maent yn ymwneud â datblygiadau o arwyddocâd cenedlaethol a chydsyniadau eilaidd)	1 Mawrth 2016	O.S. 2016/52 (Cy. 22) (C. 4)
Adrannau 33 i 38 (i’r graddau nad ydynt eisoes mewn grym)	16 Mawrth 2016	O.S. 2016/52 (Cy. 22) (C. 4)
Adrannau 40 i 42 (i’r graddau nad ydynt eisoes mewn grym)	16 Mawrth 2016	O.S. 2015/1987 (Cy. 297) (C. 123)
Adrannau 43 i 46 (i’r graddau nad ydynt eisoes mewn grym)	16 Mawrth 2016	O.S. 2016/52 (Cy. 22) (C. 4)
Adran 49 (i’r graddau nad yw eisoes mewn grym)	1 Mawrth 2016	O.S. 2016/52 (Cy. 22) (C. 4)
Adran 50 (i’r graddau y mae’n ymwneud â datblygiadau o arwyddocâd cenedlaethol a chydsyniadau eilaidd)	1 Mawrth 2016	O.S. 2016/52 (Cy. 22) (C. 4)
Adran 51 (i’r graddau y mae’n ymwneud â’r paragraffau o Atodlen 5 a restrir isod)	1 Mawrth 2016	O.S. 2016/52 (Cy. 22) (C. 4)
Rhan 1 o Atodlen 1 (i’r graddau nad yw eisoes mewn grym)	5 Hydref 2015	O.S. 2015/1736 (Cy. 237) (C. 106)
Atodlen 3 (i’r graddau y mae’n ymwneud â datblygiadau o arwyddocâd cenedlaethol a chydsyniadau eilaidd)	1 Mawrth 2016	O.S. 2016/52 (Cy. 22) (C. 4)
Atodlen 4 (i’r graddau y mae’n ymwneud â datblygiadau o arwyddocâd cenedlaethol a chydsyniadau eilaidd)	1 Mawrth 2016	O.S. 2016/52 (Cy. 22) (C. 4)
Atodlen 5: paragraffau 1-14; paragraff 16(1) i’r graddau y mae’n ymwneud ag is-baragraff (2), ac is-baragraff (2); paragraff 18 i’r graddau y mae’n ymwneud â pharagraff 5(4) o Atodlen 8 i Ddeddf Cynllunio Gwlad a Thref 1990; paragraff 19 i’r graddau y mae’n ymwneud â pharagraff 20 a pharagraff 21(1), (2)(a) a (b); paragraff 20; paragraff 21(1) i’r graddau y mae’n ymwneud ag is-baragraff (2)(a) a (b), ac is-baragraff (2)(a) a (b); paragraff 22; paragraff 23 i’r graddau y mae’n ymwneud â pharagraffau 24, 25(1), 25(2)(a) a (b), a 26; paragraff 24; paragraff 25(1), (2)(a) a (b); a pharagraff 26.	1 Mawrth 2016	O.S. 2016/52 (Cy. 22) (C. 4)

Gweler adran 58(1) o Ddeddf 2015 ar gyfer y darpariaethau a ddaeth i rym ar y diwrnod y cafodd Deddf 2015 y Cydsyniad Brenhinol(5) ac adran 58(2) ar gyfer y darpariaethau a ddaeth i rym 2 fis ar ôl i Ddeddf 2015 gael y Cydsyniad Brenhinol.

(1)

2015 dccc 4.

(2)

1990 p. 8.

(3)

1990 p. 9.

(4)

1990 p. 10.

(5)

Cafodd Deddf 2015 y Cydsyniad Brenhinol ar 6 Gorffennaf 2015.