- Latest available (Revised) - English
- Latest available (Revised) - Welsh
- Original (As made) - English
- Original (As made) - Welsh
This is the original version (as it was originally made). Dim ond ar ei ffurf wreiddiol y mae’r eitem hon o ddeddfwriaeth ar gael ar hyn o bryd.
Offerynnau Statudol Cymru
Traffig Ffyrdd, Cymru
Gwnaed
13 Tachwedd 2018
Gosodwyd gerbron Cynulliad Cenedlaethol Cymru
15 Tachwedd 2018
Yn dod i rym
10 Rhagfyr 2018
Gwneir y Gorchymyn hwn drwy arfer y pwerau a roddir i Gynulliad Cenedlaethol Cymru gan baragraffau 9(1) a 10(1) o Atodlen 8 i Ddeddf Rheoli Traffig 2004 (“y Ddeddf”)(1) ac sydd bellach wedi eu breinio yng Ngweinidogion Cymru(2).
Mae Cyngor Sir Caerfyrddin wedi gwneud cais i Weinidogion Cymru i Orchymyn gael ei wneud o dan y pwerau hyn mewn cysylltiad â Sir Gaerfyrddin.
Mae Gweinidogion Cymru wedi ymgynghori â phrif swyddog Heddlu Dyfed Powys yn unol â gofynion paragraff 10(4) o Atodlen 8 i’r Ddeddf.
1. Enw’r Gorchymyn hwn yw Gorchymyn Dynodi Gorfodi Sifil ar Dramgwyddau Lonydd Bysiau a Thraffig sy’n Symud (Sir Gaerfyrddin) 2018 a daw i rym ar 10 Rhagfyr 2018.
2. Mae Gweinidogion Cymru yn dynodi Sir Gaerfyrddin yn—
(a)ardal gorfodi sifil ar dramgwyddau lonydd bysiau; a
(b)ardal gorfodi sifil ar dramgwyddau traffig sy’n symud.
Ken Skates
Ysgrifennydd y Cabinet dros yr Economi a Thrafnidiaeth, un o Weinidogion Cymru
13 Tachwedd 2018
(Nid yw’r nodyn hwn yn rhan o’r Gorchymyn)
Mae’r Gorchymyn hwn yn dynodi Sir Gaerfyrddin yn ardal gorfodi sifil ar dramgwyddau lonydd bysiau a thraffig sy’n symud at ddibenion Rhan 6 o Ddeddf Rheoli Traffig 2004. Mae Sir Gaerfyrddin eisoes wedi ei dynodi yn ardal gorfodi sifil ar dramgwyddau parcio o dan y Ddeddf honno gan Orchymyn Traffig Ffyrdd (Ardal Barcio a Ganiateir ac Ardal Barcio Arbennig) (Sir Gaerfyrddin) 2004 (O.S. 2004/104 (Cy. 11)), y’i bernir gan baragraff 8(4) o Atodlen 8 i’r Ddeddf i fod yn orchymyn sy’n dynodi’r ardal yn ardal gorfodi sifil ar dramgwyddau parcio o dan baragraff 8 o Atodlen 8 i’r Ddeddf.
Effaith ymarferol y Gorchymyn yw galluogi Cyngor Sir Caerfyrddin i orfodi’r gyfraith ar dramgwyddau lonydd bysiau a thraffig sy’n symud yn Sir Gaerfyrddin drwy gyfundrefn cyfraith sifil.
Gellir cael Asesiad Effaith Rheoleiddiol llawn a Memorandwm Esboniadol oddi wrth y Gangen Orchmynion, Adran yr Economi, Sgiliau a Chyfoeth Naturiol, Llywodraeth Cymru, Parc Cathays, Caerdydd CF10 3NQ.
Trosglwyddwyd swyddogaethau Cynulliad Cenedlaethol Cymru o dan y Ddeddf i Weinidogion Cymru yn rhinwedd adran 162 o Ddeddf Llywodraeth Cymru 2006 (p. 32) a pharagraff 30 o Atodlen 11 iddi. Yn rhinwedd adran 92(1) o’r Ddeddf, dynodwyd Cynulliad Cenedlaethol Cymru yn awdurdod cenedlaethol priodol o ran Cymru, at ddibenion Rhan 6 o’r Ddeddf honno.
Latest Available (revised):The latest available updated version of the legislation incorporating changes made by subsequent legislation and applied by our editorial team. Changes we have not yet applied to the text, can be found in the ‘Changes to Legislation’ area. The revised version is currently only available in English.
Original (As Enacted or Made) - English: The original English language version of the legislation as it stood when it was enacted or made. No changes have been applied to the text.
Original (As Enacted or Made) - Welsh:The original Welsh language version of the legislation as it stood when it was enacted or made. No changes have been applied to the text.
Access essential accompanying documents and information for this legislation item from this tab. Dependent on the legislation item being viewed this may include:
Use this menu to access essential accompanying documents and information for this legislation item. Dependent on the legislation item being viewed this may include:
Click 'View More' or select 'More Resources' tab for additional information including: