Rheoliadau Dŵr Mwynol Naturiol, Dŵr Ffynnon a Dŵr Yfed wedi’i Botelu (Cymru) 2015

Rheoliad 24(2)(a)

ATODLEN 8 LL+C Monitro ar gyfer paramedrau heblaw sylweddau ymbelydrol mewn dŵr wedi’i botelu a’i labelu’n “spring water” neu “dŵr ffynnon” a dŵr yfed wedi’i botelu

RHAN 1 LL+C Gwiriadau

Samplu LL+C

1.   Rhaid i bob awdurdod bwyd gynnal gwiriadau yn unol â’r Rhan hon.

Gwybodaeth Cychwyn

I1 Atod. 8 para. 1 mewn grym ar 28.11.2015, gweler rhl. 1(2)

2.   Ystyr gwirio yw samplu dŵr wedi’i botelu a’i labelu’n “spring water”, “dŵr ffynnon”, neu’r hyn sy’n cyfateb i hynny mewn unrhyw iaith arall, a dŵr yfed wedi’i botelu, ar gyfer bob paramedr a restrir yn Nhabl 1 yn yr amgylchiadau a restrir yn y tabl hwnnw er mwyn—

(a) penderfynu a yw’r dŵr yn cydymffurfio â’r crynodiadau neu’r gwerthoedd parametrig perthnasol a bennir yn Rhannau 2 a 3 o Atodlen 7;

(b) darparu gwybodaeth ar ansawdd organoleptig a microbiolegol y dŵr; ac

(c) sefydlu effeithiolrwydd y driniaeth, gan gynnwys diheintiad.

Tabl 1

Paramedr	Amgylchiadau
Alwminiwm	Angenrheidiol pan y’i defnyddir fel clystyrdd yn unig.
Amoniwm	Ym mhob cyflenwad
Lliw	Ym mhob cyflenwad
Dargludedd	Ym mhob cyflenwad
Clostridium perfringens (gan gynnwys sborynau)	Dim ond yn angenrheidiol os yw’r dŵr yn deillio o ddŵr arwyneb neu’n cael ei ddylanwadu gan ddŵr arwyneb.
Escherichia coli (E. Coli)	Ym mhob cyflenwad
Crynodiad ïonau hydrogen	Ym mhob cyflenwad
Haearn	Angenrheidiol pan y’i defnyddir fel clystyrdd yn unig.
Nitrad	Angenrheidiol pan ddefnyddir cloramineiddio i ddiheintio.
Arogl	Ym mhob cyflenwad
Pseudomonas aeruginosa	Ym mhob cyflenwad
Blas	Ym mhob cyflenwad
Cyfrif cytref 22ºC a 37ºC	Ym mhob cyflenwad
Bacteria colifform	Ym mhob cyflenwad
Cymylogrwydd	Ym mhob cyflenwad

Gwybodaeth Cychwyn

I2 Atod. 8 para. 2 mewn grym ar 28.11.2015, gweler rhl. 1(2)

Amlder y samplu LL+C

3.   Rhaid cyflawni’r samplu ar yr amlderau a bennir yn Nhabl 2.

Tabl 2

Cyfaint y dŵr a gynhyrchir i’w gynnig ar werth mewn poteli neu gynwysyddion bob diwrnod (m3)(1)	Nifer o samplau bob blwyddyn
(1) Cyfrifir y cyfeintiau fel cyfartaledd dros flwyddyn galendr.
≤ 10	1
> 10 ≤ 60	12
> 60	1 am bob 5m3 a rhan o hynny yn y cyfanswm cyfaint

Gwybodaeth Cychwyn

I3 Atod. 8 para. 3 mewn grym ar 28.11.2015, gweler rhl. 1(2)

RHAN 2 LL+C Monitro archwiliad

Samplu LL+C

4.   Rhaid i bob awdurdod bwyd fonitro archwiliadau yn unol â’r Rhan hon.

Gwybodaeth Cychwyn

I4 Atod. 8 para. 4 mewn grym ar 28.11.2015, gweler rhl. 1(2)

5.   Ystyr monitro archwiliad yw samplu dŵr wedi’i botelu a’i labelu’n “spring water”, “dŵr ffynnon”, neu’r hyn sy’n cyfateb i hynny mewn unrhyw iaith arall, a dŵr yfed mewn potel, ar gyfer bob paramedr a bennir yn Rhannau 2 a 3 o Atodlen 7 (heblaw paramedrau sy’n cael eu samplu’n barod drwy wiriadau) er mwyn—

(a) darparu’r wybodaeth y mae ei hangen er mwyn penderfynu a yw’r dŵr yn cydymffurfio â’r crynodiadau neu’r gwerthoedd paramedrig perthnasol a bennir yn Rhannau 2 a 3 o Atodlen 7; a

(b) gwneud yn siŵr bod unrhyw sgil-gynhyrchion diheintio yn cael eu cadw cyn ised â phosibl heb beryglu’r diheintio, os defnyddir diheintiad yn achos dŵr yfed wedi’i botelu.

Gwybodaeth Cychwyn

I5 Atod. 8 para. 5 mewn grym ar 28.11.2015, gweler rhl. 1(2)

Amlder y samplu LL+C

6.   Rhaid cyflawni’r samplu ar yr amlderau a bennir yn Nhabl 3.

Tabl 3

Cyfaint y dŵr a gynhyrchir i’w gynnig ar werth mewn poteli neu gynwysyddion bob diwrnod (m3)(1)	Nifer o samplau bob blwyddyn
(1) Cyfrifir y cyfeintiau fel cyfartaledd dros flwyddyn galendr.
≤ 10	1
> 10 ≥ 60	1
> 60	1 am bob 100 m3 a rhan o hynny yn y cyfanswm cyfaint

Gwybodaeth Cychwyn

I6 Atod. 8 para. 6 mewn grym ar 28.11.2015, gweler rhl. 1(2)