- Latest available (Revised) - English
- Latest available (Revised) - Welsh
- Original (As made) - English
- Original (As made) - Welsh
This is the original version (as it was originally made).
1.—(1) Enw’r Rheoliadau hyn yw Rheoliadau Diogelu Iechyd (Coronafeirws: Cau Busnesau Hamdden, Llwybrau Troed a Thir Mynediad) (Cymru) 2020 a deuant i rym am 12.00 p.m. ar 24 Mawrth 2020.
(2) Mae’r Rheoliadau hyn yn gymwys o ran Cymru.
(3) At ddiben y Rheoliadau hyn ystyr “coronafeirws” (“coronavirus”) yw coronafeirws syndrom anadlu acíwt difrifol 2 (SARS-CoV-2).
2.—(1) Rhaid i berson sy’n gyfrifol am redeg busnes a restrir yn Rhan 1 o’r Atodlen, yn ystod y cyfnod perthnasol, gau ei fangre a pheidio â rhedeg ei fusnes.
(2) Os yw busnes a restrir yn yr Atodlen (“busnes A”) yn ffurfio rhan o fusnes mwy o faint (“busnes B”), mae’r person sy’n gyfrifol am redeg busnes B yn cydymffurfio â’r gofyniad ym mharagraff (1) os yw’n cau busnes A.
(3) Rhaid i Weinidogion Cymru adolygu’r angen am y cyfyngiadau a osodir gan y rheoliad hwn bob 28 o ddiwrnodau, gyda’r adolygiad cyntaf yn cael ei gynnal cyn diwedd y cyfnod o 28 o ddiwrnodau gan ddechrau â’r diwrnod drannoeth y diwrnod y gwneir y Rheoliadau hyn.
(4) Cyn gynted ag y bydd Gweinidogion Cymru yn ystyried nad oes angen y cyfyngiadau a nodir yn y rheoliad hwn mwyach i atal, i ddiogelu rhag, i reoli neu i ddarparu ymateb iechyd y cyhoedd i fynychder neu ledaeniad haint yng Nghymru â’r coronafeirws, rhaid i Weinidogion Cymru gyhoeddi cyfarwyddyd yn terfynu’r cyfnod perthnasol.
(5) Caiff cyfarwyddyd a gyhoeddir o dan baragraff (4) derfynu’r cyfnod perthnasol mewn perthynas â rhai o’r busnesau a restrir yn yr Atodlen, neu bob busnes a restrir yn yr Atodlen.
(6) At ddibenion y rheoliad hwn—
(a)mae “person sy’n gyfrifol am redeg busnes” yn cynnwys perchennog a rheolwr y busnes hwnnw;
(b)mae’r “cyfnod perthnasol” yn cychwyn pan ddaw’r Rheoliadau hyn i rym ac yn dod i ben ar y diwrnod a bennir mewn cyfarwyddyd a gyhoeddir gan Weinidogion Cymru o dan baragraff (7).
3.—(1) I’r graddau y mae rheoliad 2 (1) yn gymwys i safle gwyliau, mae’r oblygiad ar y person sy’n gyfrifol am gyflawni’r busnes (“P”) yn cynnwys oblygiad ar P i ddefnyddio ymdrechion gorau P i’w gwneud yn ofynnol i unrhyw berson sy’n defnyddio cartref symudol neu garafán ar y safle pan fo’r fangre yn cau i adael y fangre.
(2) Ond nid yw’r oblygiad ym mharagraff (1) yn gymwys mewn perthynas ag unrhyw berson sy’n defnyddio cartref symudol i bobl fyw ynddo ar y safle gwyliau o dan gytundeb a wnaed o dan Ran 4 o Ddeddf Cartrefi Symudol (Cymru) 2013.
4.—(1) Os yw paragraff (1) yn gymwys i lwybr troed neu dir mynediad yn ardal awdurdod perthnasol, rhaid i’r awdurdod perthnasol —
(a)gau y llwybr troed neu’r tir mynediad erbyn 12.00 y.h. ar 25 Mawrth 2020, a
(b)ei gadw ar gau nes ei fod o’r farn nad yw cau mwyach yn angenrheidiol i atal, amddiffyn rhag, rheoli neu ddarparu ymateb iechyd cyhoeddus i fynychder neu ymlediad haint yn ei ardal gyda’r coronafeirws.
(2) Mae’r paragraff hwn yn gymwys i’r llwybrau troed a’r tir mynediad yn ei ardal mae awdurdod perthnasol yn ystyried—
(a)sydd â thuedd i niferoedd mawr o bobl yn ymgasglu arnynt neu i fod yn agos at ei gilydd arnynt, neu
(b)mae’r defnydd ohono’n peri risg uchel fel arall i fynychder neu ymlediad haint yn ei ardal gyda’r coronafeirws.
(3) Rhaid i’r awdurdod perthnasol gyhoeddi rhestr o lwybrau troed neu dir mynediad sydd wedi ei gau yn ei ardal ar wefan.
(4) At ddibenion y rheoliad hwn —
(a)mae cyfeiriadau at lwybr troed yn cynnwys llwybr ceffylau, a
(b)mae cyfeiriadau at lwybr troed neu dir mynediad yn cynnwys rhannau o lwybr troed neu dir mynediad.
(5) Yn y rheoliad hwn —
(a)ystyr “awdurdod perthnasol” yw —
(i)Cyngor Sir neu Gyngor Bwrdeistref Sirol yng Nghymru,
(ii)awdurdod Parc Cenedlaethol yng Nghymru,
(iii)Cyfoeth Naturiol Cymru, neu
(iv)yr Ymddiriedolaeth Genedlaethol.
(b)mae i “llwybr troed” a “llwybr ceffylau” yr un ystyr â roddir i “footpath” a “bridleway” (yn eu trefn) yn adran 329 (1) o Ddeddf Priffyrdd 1980;
(c)mae “tir mynediad” yn cynnwys tir y mae gan y cyhoedd fynediad ato yn rhinwedd ei berchnogaeth gan yr Ymddiriedolaeth Genedlaethol ond heblaw hynny mae iddo yr un ystyr ag “access land” yn adran 1 (1) o Ddeddf Cefn Gwlad a Hawliau Tramwy 2000.
5.—(1) Mae person sydd, heb esgus rhesymol, yn torri reoliad 2 yn cyflawni trosedd.
(2) Mae person sy’n rhwystro, heb esgus rhesymol, unrhyw berson sy’n cyflawni swyddogaeth o dan y Rheoliadau hyn yn cyflawni trosedd.
(3) Mae trosedd o dan y Rheoliadau hyn i’w gosbi ar gollfarn ddiannod drwy ddirwy.
(4) Os profir bod trosedd o dan baragraff (1) a gyflawnwyd gan gorff corfforaethol—
(a)wedi ei gyflawni gyda chydsyniad neu ymoddefiad swyddog o’r corff, neu
(b)y gellir ei briodoli i unrhyw esgeulustod ar ran y swyddog hwnnw,
mae’r swyddog (yn ogystal â’r corff corfforaethol) yn euog o’r drosedd ac yn agored i gael ei erlyn ac i gael achos wedi’i ddwyn yn ei erbyn a’i gosbi yn unol â hynny.
(5) Ym mharagraff (4), ystyr “swyddog”, mewn perthynas â chorff corfforaethol, yw cyfarwyddwr, rheolwr, ysgrifennydd neu swyddog cyffelyb arall i’r corf corfforaethol.
6.—(1) Caiff person a ddynodir gan Weinidogion Cymru gymryd unrhyw gamau sy’n angenrheidiol i orfodi gofyniad i gau mangre neu gyfyngiad a osodir gan reoliad 2.
(2) Caniateir dwyn achos am drosedd o dan reoliad 5 gan unrhyw berson a ddynodir gan Weinidogion Cymru.
7.—(1) Daw’r Rheoliadau hyn i ben ar ddiwedd y cyfnod o chwe mis sy’n dechrau ar y diwrnod y deuant i rym.
(2) Nid yw’r rheoliad hwn yn effeithio ar ddilysrwydd unrhyw beth a wneir yn unol â’r Rheoliadau hyn cyn iddynt ddod i ben.
Mark Drakeford
Y Prif Weinidog, un o Weinidogion Cymru
Am 10.00 p.m. ar 23 Mawrth 2020
Latest Available (revised):The latest available updated version of the legislation incorporating changes made by subsequent legislation and applied by our editorial team. Changes we have not yet applied to the text, can be found in the ‘Changes to Legislation’ area. The revised version is currently only available in English.
Original (As Enacted or Made) - English: The original English language version of the legislation as it stood when it was enacted or made. No changes have been applied to the text.
Original (As Enacted or Made) - Welsh:The original Welsh language version of the legislation as it stood when it was enacted or made. No changes have been applied to the text.
Access essential accompanying documents and information for this legislation item from this tab. Dependent on the legislation item being viewed this may include:
Use this menu to access essential accompanying documents and information for this legislation item. Dependent on the legislation item being viewed this may include:
Click 'View More' or select 'More Resources' tab for additional information including: